Xiaomi 15T va 15T Pro tarmoqsiz aloqa qiladi
Xitoyning Xiaomi kompaniyasi yangi avlod flagman smartfonlari – Xiaomi 15T va 15T Pro modellarini taqdim etdi. Bu haqda Zamin.uz xabar berdi.
Ushbu qurilmalarning asosiy yangiligi Offline Communication texnologiyasidir. Bu texnologiya yordamida foydalanuvchilar mobil tarmoq yoki internetga ulanmasdan, 1,9 kilometrgacha bo‘lgan masofada qo‘ng‘iroq qilish imkoniga ega bo‘ladilar.
Xiaomi 15T modeli 120 gigagerts yangilanish chastotasiga ega AMOLED displey bilan jihozlangan bo‘lsa, 15T Pro modeli 144 gigagerts yangilanish chastotali AMOLED LIPO panelga ega. Ikkala model ham 6,83 dyuymli katta ekran bilan ta’minlangan.
Kamera imkoniyatlari jihatidan, har ikkala smartfonda 50 megapikselli asosiy kamera mavjud. Pro versiyada esa 5 karra periskopli zum va 8K formatda video yozish funksiyasi mavjud.
Texnik jihatdan, Xiaomi 15T MediaTek Dimensity 8400-Ultra chipseti bilan ishlaydi, 15T Pro esa MediaTek Dimensity 9400+ protsessoriga ega. Akkumulyator sig‘imi 5500 milliamper soatni tashkil qiladi.
Quvvatlash tezligi 15T uchun 67 vatt simli, 15T Pro uchun esa 90 vatt simli va 50 vatt simsiz zaryadlash imkoniyatlari mavjud. Qurilmalar IP68 sertifikatiga ega bo‘lib, suv va changdan himoyalangan.
Xiaomi 15T va 15T Pro flagmanlari nafaqat yuqori tezlik va professional kamera imkoniyatlari bilan, balki tarmoqsiz aloqa qilish funksiyasi bilan ham bozorda o‘ziga xos o‘rin egallaydi. Bu yangi texnologiya foydalanuvchilarga yanada qulay va erkin muloqot qilish imkonini beradi.
