Telegramda tokenlashtirilgan aksiyalar savdosi boshlanadi
Telegram ilovasining “Kripto Hamyon” bo‘limida yangi “Aksiyalar va fondlar” funksiyasi joriy etiladi. Bu haqda Zamin.uz xabar berdi.
Bu haqida Rozetked nashri ma’lumot berdi. Yangi imkoniyat yordamida foydalanuvchilar Apple, Tesla, Nvidia kabi Amerika kompaniyalarining tokenlashtirilgan aksiyalarini xarid qilishlari mumkin bo‘ladi.
Shuningdek, S&P 500 indeksi asosida ham investitsiyalar amalga oshiriladi. Savdo tokenlar orqali bajariladi, bu esa kichik ulushlarni sotib olish imkonini beradi.
An’anaviy birja savdosidan farqli o‘laroq, operatsiyalar haftaning besh kuni, kun davomida, ya’ni 24 soat davomida amalga oshiriladi. Dividendlar ham token ko‘rinishida taqdim etiladi, bu esa foydalanuvchilarga qo‘shimcha daromad olish imkonini yaratadi.
Ushbu yangi xizmat Kraken va Backed Finance kompaniyalari bilan hamkorlikda yo‘lga qo‘yilgan. Bo‘lim oktabr oyining oxiridan boshlab ayrim hududlarda bosqichma-bosqich ishga tushiriladi.
Foydalanuvchilar mini-ilova orqali hozircha kutish ro‘yxatiga yozilishlari mumkin. Bu funksiya investitsiya sohasida qulaylik yaratib, moliyaviy bozorlarni yanada ochiq va erkin qiladi.
