Buyuk Britaniya Ichki ishlar vazirligi sentabr oyining boshlarida Apple kompaniyasiga yangi texnik talabnoma yubordi. Bu haqda Zamin.uz xabar berdi.
Bu haqda Financial Times nashri manbasiga asoslanib Rozetked xabar berdi. Talabnoma bo‘yicha Apple Britaniya foydalanuvchilarining shifrlangan iCloud zaxira ma’lumotlariga kirish huquqini ta’minlashi shartligi bildirildi.
2025 yil yanvar oyida Britaniya hukumati shifrlangan foydalanuvchi ma’lumotlariga global miqyosda kirishni nazarda tutuvchi hujjatni qabul qilgan edi. Bunga javoban Apple kompaniyasi apellyatsiya bergan va Buyuk Britaniyada uzluksiz shifrlangan ma’lumotlarni himoya qilish funksiyasini o‘chirib qo‘ygan.
Avgust oyida AQSh Milliy razvedka direktori Tulsi Gabbard Britaniya bu talabnomani Vashington bosimi ostida bekor qilganini bildirgan edi. Ammo Financial Times manbalariga ko‘ra, hozirda AQSh bosim o‘tkazmayapti va London o‘z rejasini qayta ishga tushirgan.
Huquqni himoya qiluvchi Privacy International tashkiloti esa bunday ma’lumotlarga faqat bitta davlat uchun kirish imkonining butun dunyo foydalanuvchilarining xavfsizligiga salbiy ta’sir ko‘rsatishini ogohlantirmoqda. Apple va Britaniya Ichki ishlar vazirligi hozircha mazkur vaziyat bo‘yicha rasmiy izoh bermagan.
