Galaxy S25 Ultra iPhone 17 Pro Maxdan tezroq ishladi
iPhone 17 Pro Max va Galaxy S25 Ultra smartfonlari ish tezligi bo‘yicha yana bir bor solishtirildi. Bu haqda Zamin.uz xabar berdi.
4pda.to nashrining ma’lumotiga ko‘ra, YouTube-kanal PhoneBuff tomonidan o‘tkazilgan sinovda ko‘proq ilovalar va robot qo‘l yordamida aniq o‘lchovlar amalga oshirildi. Natijada Android flagmani, ya’ni Galaxy S25 Ultra sezilarli ustunlik bilan g‘olib bo‘ldi.
Sinov ikki bosqichda o‘tkazildi. Birinchi bosqichda ikkala smartfonda bir xil ilovalar ketma-ket ishga tushirildi, so‘ng ularni fon rejimiga o‘tkazish amalga oshirildi.
Ikkinchi bosqichda esa barcha ilovalar qayta ochildi. Barcha harakatlar robot tomonidan aniq va bir xil sharoitda bajarildi.
Galaxy S25 Ultra birinchi bosqichni 2 daqiqa 2,59 soniyada yakunladi, iPhone 17 Pro Max esa 2 daqiqa 16,18 soniyada ishni tamomladi. Ikkinchi bosqichda ham Galaxy S25 Ultra g‘olib bo‘lib, 47 soniya vaqt sarflagan, iPhone esa 49 soniyada sinovni tugatdi.
Muallif ta’kidicha, ba’zan S25 Ultra uchta ilovada oldinda bo‘lgan. Shu bilan birga, iPhone video tahrir dasturida rolikni eksport qilish jarayonida 40 foiz ko‘proq vaqt sarflagan.
Bu esa qiziq, chunki video ishlov berish Apple qurilmalarining kuchli tomonlaridan hisoblanadi. Umuman olganda, Galaxy S25 Ultra ish tezligi bo‘yicha aniq ustunlikka ega ekanligi ma’lum bo‘ldi.
