Windows 11 yangilanishi foydalanuvchilarda tizimga kirish muammosini keltirib chiqardi
Microsoft Windows 11 operatsion tizimi uchun so‘nggi chiqarilgan umumiy yangilanish bir qator iste’molchi dasturlar va xizmatlarda tizimga kirishda muammolar yuzaga kelayotganini tasdiqladi. Bu haqda Zamin.uz xabar berdi.
Ushbu muammo mart oyida taqdim etilgan KB5079473 raqamli yangilanish bilan bog‘liq bo‘lib, shaxsiy Microsoft hisoblari orqali tizimga kirishga harakat qilayotgan foydalanuvchilarni ta’sir qilmoqda. Bu haqida Rozetked.me sayti ma’lumot berdi.
Kompaniya ma’lumotlariga ko‘ra, ushbu xato Microsoft Teams Free, OneDrive, Edge brauzeri, Excel, Word va Microsoft 365 Copilot xizmatlariga kirishni cheklab qo‘yishi mumkin. Ko‘p hollarda foydalanuvchilar tarmoq aloqasi odatdagidek ishlayotgan bo‘lsa ham, internetga ulanish yo‘q degan noto‘g‘ri xabar paydo bo‘ladi.
Mazkur muammo avval Azure Active Directory nomi bilan tanilgan Entra ID xizmatidan foydalanadigan korporativ mijozlarga ta’sir qilmayapti. Bu esa uzilish hozircha faqat shaxsiy foydalanuvchilarning hisoblarini tasdiqlash jarayoniga taalluqli ekanini ko‘rsatadi.
Microsoft kompaniyasi muammoni to‘liq bartaraf etish ustida ishlayotgani, ammo hozircha vaqtinchalik yechim sifatida foydalanuvchilarga kompyuterlarini internetga ulangan holda qayta ishga tushirishni tavsiya qilmoqda. Agar qurilma internetga ulanmagan holatda qayta yoqilsa, tizimga kirish muammosi davom etishi mumkin.
Shuning uchun internet aloqasini ta’minlab, qurilmani qayta ishga tushirish muhimdir.
