Apple kuzda birinchi qatlanuvchi displeyli smartfonini taqdim etadi

Kupertino shahridagi dunyoga mashhur kompaniya smartfonlar olamida haqiqiy inqilob qilishga tayyorlanmoqdadi. Bu haqda Zamin.uz xabar berdi.

Kompaniya ichidagi ishonchli manbalardan biri bo‘lgan Mark Gurmanning ta’kidlashicha, yaqin kelajakda biz ayfonlar tarixidagi eng katta o‘zgarishlarga guvoh bo‘lamiz. Zamin nashri Apple kompaniyasining yangi rejalari va bizni kutayotgan texnologik yangiliklar haqida batafsil ma’lumot beradi.

Joriy yilning kuz oyida smartfon bozorida yangi davr boshlanishi kutilmoqda. Apple o‘zining birinchi qatlanuvchi displeyli modelini taqdim etishni rejalashtirmoqda.

Bu qurilma boshqa kompaniyalarning o‘xshash modellari singari, ochilganda katta planshet ekraniga aylanadi. Bu esa filmlar ko‘rish, o‘yinlar o‘ynash va boshqa ko‘plab vazifalarni bajarish uchun keng imkoniyatlar beradi.

Kompaniya nafaqat qurilma tashqi ko‘rinishini, balki uning ichki dasturiy tizimini ham tubdan o‘zgartirmoqda. Yangi operatsion tizim maxsus qatlanuvchi formatlar uchun yaratilgan bo‘lib, foydalanuvchiga ekranning turli qismlarida bir vaqtning o‘zida bir nechta dasturlarni ishlash imkonini beradi.

Muhandislar ekran bukilgan joyidagi chiziqlarni butunlay yo‘qotishga hali erola olmasalar-da, uni sezilarli darajada kamaytirishga muvaffaq bo‘lishgan. Kelajakda, xususan 2027 yilda, kompaniya asoschisi Stiv Jobsning orzu qilgan to‘liq ramkasiz telefon paydo bo‘lishi kutilmoqda.

Bu modelda old tomonda hech qanday teshiklar bo‘lmaydi, chunki kamera va sensorlar ekranning ostiga yashiriladi. Kompaniya bu maqsadga bosqichma-bosqich yaqinlashib kelmoqda va har bir yangi modelda dizayn yanada takomillashtirilgan.

So‘nggi ma’lumotlarga ko‘ra, yangi modellarning chiqarilish sanalari o‘zgarishi mumkin. Qatlanuvchi telefon va yuqori toifali modellar 2026 yil kuzida sotuvga chiqishi rejalashtirilgan.

Oddiyroq modellarning chiqarilishi esa 2027 yilga qoldirilgan. Agar kompaniya ushbu texnologiyalarni ommaviy ishlab chiqarishga muvaffaq bo‘lsa, bu dunyo texnologiyasida yirik voqea hisoblanadi.

Sizningcha, bu yangiliklar smartfon bozoridagi raqobatni o‘zgartiradimi? Qaysi dizayn siz uchun muhimroq: qatlanuvchi ekran yoki ramkasiz tashqi ko‘rinish?