Sud Ilon Maskning «OpenAI» va «Microsoft»ga qarshi da’vosini rad etdi
Sud hayati Ilon Maskning OpenAI asoschilari va Maykrosoft korporatsiyasiga qarshi bergan da’vosini rad etdi. Bu haqda Zamin.uz xabar berdi.
Bu qaror sud jarayonida kuzatilgan holatlarni yana bir bor tasdiqladi. Ma’lum bo‘lishicha, Maskning da’vosi yetarli huquqiy asosga ega emas edi.
Sud majlislarida OpenAI advokatlari qonun o‘z mijozlari tomonida ekanligini nuqtama-nuqta isbotlab berishdi. Mask esa sud qaroridan keskin norozi bo‘lib, hakamni tanqid qildi va yuqori instansiya sudiga shikoyat berishini ma’lum qildi.
Ushbu voqealar haqida nufuzli nashrlar batafsil ma’lumot berdi. Sud jarayoni davomida nafaqat Sem Altman, balki Ilon Maskning o‘zi haqida ham kutilmagan tafsilotlar oshkor bo‘ldi.
Greg Brokman 2017-yilda Mask OpenAI tadqiqotchilarini Tesla bosh qarorgohiga o‘ziyurar boshqaruv tizimini takomillashtirish uchun jalb qilganini ma’lum qildi. Bu jarayonda Andrey Karpaty, Ilya Sutskever va Skott Grey kabi yetakchi olimlar Tesla xodimlariga bepul yordam ko‘rsatishgan.
Eng qizig‘i shundaki, Tesla kompaniyasi ushbu xizmatlar uchun OpenAI tashkilotiga hech qanday haq to‘lamagan. Maskning da’vosi asosan Altman va Brokmanni xayriya mablag‘larini o‘z manfaatlari yo‘lida ishlatganlikda ayblashga qaratilgan edi.
Biroq mutaxassislarning fikricha, Maskning o‘zi ham notijorat tashkilot resurslarini o‘zining shaxsiy loyihasi bo‘lgan Tesla uchun yo‘naltirgani bu ayblovlarni shubhali qilib qo‘ydi. Kolumbiya huquq maktabi professori Doroti Lundning ta’kidlashicha, xayriya mablag‘larini xususiy kompaniya manfaatlariga yo‘naltirish qonuniy emas.
Bu holat sud jarayonida Maskning o‘zini ham xuddi o‘zi boshqalarni ayblagan ishda aybdor qilib ko‘rsatdi va uning da’vosini ma’naviy jihatdan zaiflashtirdi.
