Sun’iy intellekt rivoji qattiq disklarga bo‘lgan talabni oshirdi

Global texnologiya bozorida suniy intellekt tizimlarining shiddatli rivojlanishi maumotlarni saqlash qurilmalari sohasida kutilmagan o‘zgarishlarga sabab bo‘ldi. Bu haqda One.uz xabar beradi.

So‘nggi yillarda tezkor xotira qurilmalari (SSD) tomonidan siqib chiqarilayotgan ananaviy qattiq disklar (HDD) yirik maumotlar markazlari uchun eng zaruriy mahsulotga aylandi. Suniy intellekt infratuzilmasini kengaytirish zarurati tufayli ushbu qurilmalar va ularning butlovchi qismlarini ishlab chiqaruvchi yirik kompaniyalar o‘z quvvatlarini keskin oshirishga kirishdi.

Yaponiyaning TDK, Resonac va HOYA kabi sanoat gigantlari qattiq disklar uchun magnit kallaklar, plastinalar va shisha asoslar ishlab chiqarishni kengaytirmoqda. Bu holat suniy intellekt tizimlari qayta ishlaydigan ulkan hajmdagi maumotlarni arzon hamda ishonchli saqlashga bo‘lgan ehtiyoj ortib borayotgani bilan izohlanadi.

Mutaxassislarning ta’kidlashicha, shaxsiy kompyuterlar segmentida qattiq disklar o‘z o‘rnini deyarli yo‘qotgan bo‘lsa-da, korporativ sektorda ularning ahamiyati qayta tiklanmoqda. Yangi texnologik poyga va sig‘im imkoniyatlari Tahliliy agentliklarning maumotlariga ko‘ra, korporativ darajadagi qattiq disklarni yetkazib berish hajmi 2025-yildan 2030-yilgacha har yili o‘rtacha 23 foizga o‘sib boradi.

Bunday yuqori sur’at ishlab chiqaruvchilarni sig‘im borasida yangi rekordlarni o‘rnatishga undamoqda. Hozirda Western Digital, Seagate va Toshiba kabi bozor yetakchilari 100 terabayt sig‘imga ega qattiq disklarni yaratish ustida faol ish olib bormoqda.

Xususan, Western Digital kompaniyasi ayni paytda 40 terabayt hajmli disklarni sinovdan o‘tkazmoqda va joriy yilning ikkinchi yarmida ularni ommaviy ishlab chiqarishni rejalashtirgan. Kompaniya 2029-yilga borib 100 terabayt sig‘imli modellarni taqdim etishni maqsad qilgan.

Seagate esa issiqlik yordamida magnit yozish texnologiyasi asosida 44 terabaytgacha bo‘lgan qurilmalarni allaqachon bulutli xizmat ko‘rsatuvchi korxonalarga yetkazib berishni boshlagan. Ishlab chiqarish zanjiridagi o‘zgarishlar Talabning ortishi butun butlovchi qismlar zanjiriga ijobiy ta’sir ko‘rsatmoqda.

Resonac kompaniyasi magnit plastinalar ishlab chiqarishni yiliga 160 milliondan 210 million donaga oshirishini maum qildi. HOYA korporatsiyasi esa Vyetnamda qattiq disklar uchun shisha asoslar ishlab chiqaradigan yangi zavod qurilishiga taxminan 50 milliard iyen miqdorida sarmoya kiritmoqda.

Shuningdek, boshqa yirik korxonalar ham magnit qoplamalar va moslashuvchan bosma platalar uchun materiallar tayyorlashni kengaytirmoqda. Nima uchun zamonaviy markazlarda aynan qattiq disklar tanlanmoqda degan savolga javob iqtisodiy samaradorlik bilan bog‘liqdir.

Maumotlar markazlarida tezkor xotira qurilmalari asosan hisob-kitoblar uchun ishlatilsa, qattiq disklar ulkan maumotlar to‘plamini va zaxira nusxalarini saqlash uchun qo‘llaniladi. Bir terabayt maumotni saqlash tannarxi qattiq disklarda ancha past bo‘lib qolayotgani suniy intellekt bilan shug‘ullanuvchi kompaniyalar uchun xarajatlarni optimallashtirish imkonini beradi.