Oppo kompaniyasi uchta 200 megapikselli kameraga ega smartfonni taqdim etdi

Mobil texnologiyalar bozorida navbatdagi muhim yangilik yuz berdi. Bu haqda One.uz xabar beradi.

Vivo kompaniyasining so‘nggi flagmanlari taqdimotidan ko‘p o‘tmay, Oppo brendi o‘zining eng ilg‘or Find X10 Pro Max smartfonini keng jamoatchilikka namoyish etdi. Mazkur qurilma mobil suratga olish tarixida ilk bor uchta 200 megapikselli kameradan iborat noyob tizim bilan jihozlangani sababli jahon miqyosida katta qiziqish uyg‘otmoqda.

Yangi flagman eng yuqori texnik talablarga javob berishi va mobil fotografiya imkoniyatlarini sifat jihatidan yangi bosqichga olib chiqishi kutilmoqda. Professional optika va tasvir sifati Smartfonning asosiy ustunligi hisoblangan uchlik kamera tizimi Hasselblad mutaxassislari bilan hamkorlikda ishlab chiqilgan.

Asosiy modul yirik sensorga tayanib, tasvirni yuqori darajada barqarorlashtirish va keng dinamik diapazonni taqdim etish imkoniyatiga ega. Shuningdek, o‘ta keng burchakli kamera yorug‘likni sezilarli darajada ko‘proq qabul qilib, tungi tasvirlarning tiniqligini ta’minlaydi.

Uchinchi 200 megapikselli datchik esa uzoqdagi ob’yektlarni yaqinlashtirib suratga olishda tasvir barqarorligini saqlab qoluvchi maxsus tizim bilan ta’minlangan. Tasvirlardagi ranglar aniqligi ikkinchi avlod maxsus datchiklari va intellektual tizimlar orqali nazorat qilinadi.

Ushbu algoritmlar oddiy suratlar, jonli kadrlar va videolarni yozib olish jarayonida mukammal natija beradi. Portret suratga olishda esa sun’iy intellekt inson terisining tabiiy tuzilishini, sochlar va boshqa mayda detallarni ortiqcha silliqlashlarsiz, boricha asrab qolishga xizmat qiladi.

Shuningdek, qurilma yorug‘lik haqida ko‘proq ma’lumot to‘plash imkonini beruvchi texnologiya bilan jihozlangan bo‘lib, u yuqori aniqlikni real vaqt rejimida ta’minlaydi. Yuqori unumdorlik va quvvat quvvati Oppo Find X10 Pro Max qurilmasining texnik asosi sifatida eng zamonaviy va kuchli protsessor tanlangan.

Ishlab chiqaruvchi ushbu platformani fotosuratlarni qayta ishlash, og‘ir o‘yinlarni boshqarish hamda mahalliy sun’iy intellekt modellarini yuritish uchun maxsus yordamchi dvigatel bilan to‘ldirgan. Bu tizim qurilmaning ishlash tezligini oshirish bilan birga, energiya sarfini ham samarali optimallashtiradi.

Smartfon 6,78 dyuymli displey va yuqori sifatli old kamera bilan ham ta’minlangan. Qurilmaning chidamliligi ham alohida e’tiborga loyiq.

U suv va changdan himoyalanish bo‘yicha eng yuqori xalqaro standartlarga to‘liq javob beradi. Dasturiy ta’minot sifatida esa eng so‘nggi operatsion tizim negizidagi interfeys o‘rnatilgan.

Smartfonning uzoq vaqt davomida ishlashini ta’minlash uchun 8000 milliamper-soat sig‘imli ulkan akkumulyator tanlangan. Qurilma ham simli, ham simsiz tezkor quvvatlash texnologiyalarini qo‘llab-quvvatlaydi, bu esa foydalanuvchilarga kun davomida yuqori quvvat bilan ishlash imkonini beradi.