«Барселона» в связи с Ямалом: зарплата 17-летнего футболиста в центре спора
Испаниянинг обрўли нашри El Nacional “Барселона” клубидаги ички вазият ҳақида қизиқарли маълумот тарқатди. Унга кўра, клубдаги сўнгги норозиликлар марказида 17 ёшли иқтидор эгаси — Ламин Ямал турибди.
Ёзда 18 ёшга тўлади — янги шартнома кутилмоқда
Маълумки, Ламин Ямал 18 ёшга тўлган захоти, у билан янги профессионал шартнома тузилиши режалаштирилган. Ҳозирча у ўсмирларга мўлжалланган келишув асосида тўп сурмоқда ва йилига 3 миллион евро маош олмоқда.
Бироқ янги битимдан сўнг Ямал клубдаги энг юқори даромадга эга футболчига айланиши мумкин. Манбада қайд этилишича, унинг келгусидаги маоши йилига 35–40 миллион евро атрофида бўлиши кутиляпти.
Жамоада норозилик — баланс бузиляптими?
Ямалнинг бу даражада катта маош олиши клубдаги бир қатор футболчилар томонидан танқидга учрайапти. Айниқса, жамоанинг тажрибали ва йиллар давомида асосий таркибда тўп суриб келаётган аъзолари ушбу қарор орқали маошлар орасидаги баланс бузилишидан хавотир билдирмоқда.
Уларнинг фикрича, эндигина 18 ёшга тўлаётган футболчига бунчалик катта молиявий имтиёз бериш “Барса”даги ички тартибга салбий таъсир кўрсатиши мумкин.
Қизиғи шундаки, мазкур маош жамоанинг ҳозирги энг кўп ҳақ олувчи футболчиси Роберт Левандовскидан ҳам юқори бўлади. Бу эса футболчилар орасидаги тенглик ва обрў масалаларида ҳам турли муҳокамаларга сабаб бўлмоқда.
Бироқ Ямални қўллаб-қувватлаётганлар ҳам бор
Шу билан бирга, жамоада Ямалнинг нойоб истеъдодига ишонувчи ва уни келажакдаги етакчи сифатида кўряптиган ўйинчилар ҳам кам эмас. Улар Ламинни “Барселона”нинг янги даври тимсоли сифатида кўрмоқда.
Клуб ичида келаётган маълумотларга кўра, раҳбарият ҳам Ямални сақлаб қолиш ва унга узоқ муддатли лойиҳа сифатида қараш тарафдори. Шу боис, унинг ёшидан қатъий назар, энг яхши шарт-шароитлар таклиф этилмоқда.
“Барселона”даги бу вазият яна бир бор футболда иқтидор, ёш ва пул орасидаги мувозанатни қандай сақлаш кераклигини кўрсатмоқда. Ламин Ямал — иқтидор жиҳатидан шубҳасиз келажак юлдузи, аммо у билан боғлиқ иқтисодий қарорлар жамоа ичидаги муҳитга қандай таъсир қилади?
Сиз нима деб ўйлайсиз — Ямал ҳақиқатдан ҳам бу даражадаги маошга лойиқми ёки “Барса” уни эрта ортиқча юк остига қўймоқдами?
