AQSHda noimmigratsion vizalarga yangi to‘lov joriy etiladi
2025 yilning 1 oktabridan boshlab Amerika Qo‘shma Shtatlarida barcha noimmigratsion vizalar uchun yangi majburiy to‘lov joriy etiladi. Bu haqida Zamin.uz xabar berdi.
Ushbu to‘lov Visa Integrity Fee deb nomlanib, uning miqdori 250 AQSH dollarini tashkil etadi. Bu haqda Kursiv Media xabar berdi.
Mazkur qonunni sobiq prezident Donald Tramp imzolagan. To‘lov 2025 moliyaviy yilining oxirigacha, ya’ni 30 sentyabrgacha amal qiladi.
Keyinchalik inflyatsiya darajasi hisobga olinib, to‘lov miqdori qayta ko‘rib chiqilishi mumkin. Ushbu to‘lov bekor qilinmaydi, ammo vizasiz kirish huquqiga ega bo‘lgan 40 dan ortiq davlat fuqarolari undan ozod etiladi.
AQSH Sayohat uyushmasi vakillarining ma’lumot berishicha, to‘lov qachon aniq joriy etilishi, qanday tartibda to‘lanishi hamda pulni qaytarish imkoniyati hozircha noaniq. Uyushma rahbarlari yangi to‘lov AQSHga sayohat xarajatlarini 144 foizga oshirishi mumkinligini ta’kidlamoqda, biroq bu vizaga ariza berish jarayonidagi kutish muddatlariga ta’sir qilmaydi.
Turizm sohasi vakillari esa qo‘shimcha xarajatlar va murakkabliklar sababli mehmonlar sonining kamayishidan xavotirda. Vizasiz kirish huquqiga ega davlatlar ro‘yxatiga Andorra, Avstraliya, Avstriya, Belgiya, Bruney, Vengriya, Buyuk Britaniya, Germaniya, Gretsiya, Daniya, Islandiya, Irlandiya, Italiya, Ispaniya, Latviya, Lixtenshteyn, Litva, Lyuksemburg, Malta, Monako, Niderlandiya, Yangi Zelandiya, Norvegiya, Portugaliya, San-Marino, Singapur, Slovakiya, Sloveniya, Finlyandiya, Fransiya, Chexiya, Shvetsiya, Shveytsariya, Estoniya, Janubiy Koreya va Yaponiya kiradi.
