Tesla Dinerda robotlar xizmat ko‘rsatadi va zaryadlaydi
Tesla Diner – 24 soat davomida xizmat ko‘rsatadigan zamonaviy oshxona bo‘lib, unda mijozlarga taomlar roliklar yordamida harakatlanuvchi ofitsiantlar tomonidan yetkaziladi. Bu haqida Zamin.uz xabar berdi.
Shuningdek, popkorn maxsus robot tomonidan taqsimlanadi. Tesla kompaniyasi bu haqda ijtimoiy tarmoqlarda ma’lum qilgan.
Ushbu tez taomlar oshxonasi 1950-yillarning Amerika avtomobillari va retro kinoteatrlar atmosferasini eslatuvchi interyerga ega. Menyuda burger, hot-dog, kartoshka-fri, qanotchalar, kokteyllar va sendvichlar mavjud bo‘lib, ular yuqori texnologiyalar yordamida taqdim etiladi.
Tesla Diner nafaqat ovqatlanish maskani, balki elektromobillar uchun zamonaviy zaryadlash markazi ham hisoblanadi. Oshxona yonida ochiq havoda kinoteatr tashkil etilgan.
Ilon Mask ushbu loyihani yuqori baholab, Tesla Diner Los-Anjelesdagi eng ajoyib joylardan biriga aylanganini ta’kidladi. Uning so‘zlariga ko‘ra, jamoa ushbu natijaga katta mehnat bilan erishgan.
Hozirda Ilon Maskning xAI startapi ham faoliyat yuritmoqda. Yaqinda kompaniya anime uslubidagi avatarlar yaratish bo‘yicha mutaxassislarni ishga olish uchun vakansiya e’lon qildi.
Ushbu lavozim uchun yillik maosh 440 ming dollargacha yetishi mumkin.
