Tinda yaqinida samolyot halokatida ob-havo omili
Rossiyaning Tinda shahri yaqinida An-24 yo‘lovchi samolyoti halokatga uchraganida ob-havo sharoiti muhim omil bo‘lganligi aniqlanmoqda. Bu haqida Zamin.uz xabar berdi.
"Fobos" ob-havo markazi mutaxassisi Vadim Zavodchenkov “Rossiya 24” telekanalida bergan intervyusida hodisa yuz bergan paytda Tindada past bulutli ob-havo mavjudligini ta’kidladi. Ba’zi joylarda bulutlarning quyi chegarasi 300 metrga tushgan, bu esa o‘rtacha parvozlar uchun xavfli bo‘lmasa-da, Tinda tog‘lar orasida joylashgani sababli samolyot uchun qiyinchiliklar tug‘dirishi mumkin.
Tog‘ cho‘qqilari bulutlar bilan qoplanib, ekipajning samarali ishlashiga to‘sqinlik qilgan. Shu bois, ob-havo sharoiti samolyotning yerga qulashiga sabab bo‘lgan omillardan biri sifatida ko‘rilmoqda.
O‘tgan kechada ro‘y bergan halokatda taxminan 50 kishi halok bo‘lgani ma’lum qilindi. Hozirda voqea tafsilotlari bo‘yicha tergov ishlari davom etmoqda.
Ushbu hodisa samolyotlarning tog‘li hududlarda parvoz qilishida ob-havo sharoatini diqqat bilan o‘rganish zarurligini yana bir bor ko‘rsatdi.
