Xitoyda sun’iy intellektli robot oliy maktabga qabul qilindi
Xitoyda ta’lim sohasida tarixiy voqea yuz berdi. Bu haqida Zamin.uz xabar berdi.
Ilk marotaba inson qiyofasiga ega sun’iy intellektli robot rasmiy ravishda oliy ta’lim muassasasiga qabul qilindi. Bu haqda South China Morning Post nashri xabar berdi.
Xueba deb nomlangan ushbu robot Shanxay teatr akademiyasida to‘rt yil davomida tahsil oladi. U teatr, kino san’ati va Xitoy operasi bo‘yicha bilimlar egallaydi.
Ta’limni tugatgach, boshqa talabalar singari dissertatsiya yozishi rejalashtirilgan. Xueba tashqi ko‘rinishi bilan oddiy insondan farq qilmaydi, u odamlar bilan muloqot qila oladi, yuz ifodalari va mimikalari orqali hissiyotlarni yetkazadi.
Robot o‘zini “san’atkor sun’iy intellekt” deb taqdim etadi. Ushbu yangilik Xitoyda ijtimoiy tarmoqlarda keng muhokamalarga sabab bo‘ldi.
Ba’zi foydalanuvchilar buni innovatsion qadam sifatida qabul qilib, Xueba inson va robot o‘rtasidagi munosabatlarda yangi davrni boshlab beradi, deb baholashdi. Biroq, tanqidchilar ham bor.
Ular san’at hayotiy tajribaga asoslanishi lozimligini va robotlar buni inson darajasida qila olmasligini ta’kidlashmoqda. Sharhlarda ijodiy kuch algoritmda emas, balki hissiyot va tuyg‘uda ekanligi qayd etilgan.
Shu tariqa, Xitoyda sun’iy intellekt asosida yaratilgan robotning oliy ta’lim muassasasida tahsil olishi ta’lim va texnologiya sohasida yangi davrning boshlanishi sifatida qaralmoqda.
