The Washington Post nashrining xabariga ko‘ra, Vladimir Putin va Donald Trampning Amerika Qo‘shma Shtatlarining Alyaska shtatida uchrashishi tasodif emas. Bu haqida Zamin.uz xabar berdi.
Bu qarorning asosiy sababi Alyaska Xalqaro jinoyat sudi yurisdiksiyasiga kirmasligidir. Amerika ommaviy axborot vositalarining ma’lumotlariga ko‘ra, ikki yetakchi uchrashuvi oldidan bir nechta joylar ko‘rib chiqilgan.
Putin o‘z bayonotida muzokaralar Birlashgan Arab Amirliklarida o‘tishi mumkinligini aytgan. Shuningdek, Italiyada uchrashuv o‘tkazish varianti ham muhokama qilingan, ammo Rossiya rahbarining Xalqaro jinoyat sudi tomonidan qo‘lga olinish xavfi tufayli bu taklifdan voz kechilgan.
Washington Post nashri ta’kidicha, Amerika Qo‘shma Shtatlari Xalqaro jinoyat sudi yurisdiksiyasida emas, shuning uchun Alyaskadagi uchrashuv huquqiy muammolardan xoli bo‘ladi. Bundan tashqari, Alyaskaning tanlanishida uning Rossiya hududiga yaqinligi ham muhim omil bo‘lgan.
Putin maslahatchisi Yuriy Ushakov bunga hazil bilan munosabat bildirar ekan, delegatsiya faqat Bering bo‘g‘ozidan uchib o‘tishi yetarli ekanini aytgan. Ma’lum bo‘lishicha, Tramp va Putinning tarixiy uchrashuvi joriy yilning 15 avgustida Alyaskada o‘tkaziladi.
Bu haqda AQSH prezidenti Donald Tramp o‘zining ijtimoiy tarmoqdagi sahifasida e’lon qilgan. Ekspertlar va siyosatshunoslar ushbu uchrashuvda muhokama qilinadigan masalalar va uning global siyosatga ta’siri haqida qiziqish bilan kutishmoqda.
