Rossiyada oddiy hayot uchun oyiga 250 ming rubl kerak
Rossiyada yuqori daromadga ega aholi orasida o‘tkazilgan so‘rov natijasiga ko‘ra, bir kishi oddiy hayot kechirishi uchun oyiga kamida 250 ming rubl daromad olishi lozim. Bu haqida Zamin.uz xabar berdi.
Bu miqdor taxminan 32 ming dollar so‘m ekvivalentiga teng. Ushbu ma’lumotlar NIU VSHEning «Yuqori daromadli rossiyaliklar: maqom iste’moli va iste’mol afzalliklari» nomli tadqiqotiga asoslanadi.
Tadqiqotda mamlakatdagi eng yuqori daromadga ega bo‘lgan 10 foizlik qatlam vakillari so‘ralgan. Qiziq jihati shundaki, ularning 75 foizi o‘z moliyaviy holatini o‘rtacha deb baholagan.
So‘rov natijalariga ko‘ra, haqiqiy boylik chegarasi oyiga 500 ming rubl va undan yuqori daromad hisoblanadi. Rosstat ma’lumotlariga ko‘ra, 2025 yilda Rossiyada oyiga 1 million rubl va undan yuqori daromad oladiganlar soni 45 mingdan oshgan bo‘lib, bu ko‘rsatkich ikki yil ichida ikki barobar ko‘paygan.
2023 yilda bunday odamlar soni 24 400 kishini tashkil qilgan. Ushbu raqamlar Rossiyada daromadlar orasidagi farq katta ekanligini va yuqori daromadli qatlamning hayot darajasi o‘rtacha aholi hayotidan sezilarli darajada farq qilishini ko‘rsatadi.
Shu bilan birga, bu holat mamlakatda ijtimoiy va iqtisodiy tengsizlikning mavjudligini ham tasdiqlaydi.
