Amerika Qo‘shma Shtatlarining Massachusets Texnologiya Instituti (MIT) olimlari sun’iy intellekt yordamida ikki yangi antibiotik ishlab chiqdi. Bu haqida Zamin.uz xabar berdi.
Ushbu dori vositalari gonoreya va metitsillinga chidamli oltin rangli stafilokokk (MRSA) kabi dori vositalariga chidamli xavfli bakteriyalarni yo‘q qilishga qodir. Bu yangilik haqida BBC xabar berdi.
Hozircha dorilar laboratoriya sharoitida, asosan hayvonlar ustida sinovdan o‘tkazildi va yaxshi natijalar ko‘rsatdi. Biroq, insonlarda qo‘llash uchun ular yana bir-ikki yil davomida takomillashtirilishi va klinik sinovlardan o‘tkazilishi zarur.
Sun’iy intellekt dastlab turli antibiotiklarning kimyoviy tarkibi va ularning bakteriyalarga ta’siri haqida ma’lumotlar bilan o‘qitildi. Shundan so‘ng olimlar ikki yo‘nalishda ish olib bordi.
Birinchi yo‘nalishda mavjud kimyoviy tarkiblar asosida ishlash yo‘lga qo‘yildi, ikkinchisida esa sun’iy intellektga to‘liq erkinlik berildi. Natijada insonlar uchun xavfsiz va ilgari mavjud bo‘lmagan kimyoviy tarkibga ega ikki dori yaratildi.
Ular sichqonlar ustida sinovdan o‘tib, samaradorligi tasdiqlandi. Olimlar ushbu antibiotiklarning kelajakda dori vositalariga chidamli kasalliklar bilan kurashishda muhim ahamiyatga ega bo‘lishini ta’kidlashmoqda.
