Kaya Kallas: Rossiya tinchlik muzokaralarini cho‘zmoqda

Yevropa Ittifoqining tashqi siyosat va xavfsizlik bo‘yicha oliy vakili Kaya Kallas Rossiyaning keyingi harakatlari hamda tinchlik muzokaralari jarayoni haqida o‘z fikrini bildirib o‘tdi. Bu haqida Zamin.uz xabar berdi.

Unga ko‘ra, Moskva yaqin kelajakda mojaroni to‘xtatishga niyat qilmagan va muzokaralarni sun’iy ravishda cho‘zmoqda. Kallas ta’kidlaganidek, Rossiya prezidenti Vladimir Putin muzokaralarni cho‘zish orqali o‘zini oqlashga harakat qilmoqda.

U qotillik va zo‘ravonlikni to‘xtatish bo‘yicha hech qanday majburiyat olmasdan Ankorijdan chiqib ketganini ma’lum qildi. Shuningdek, Kallas AQSH Rossiyani haqiqiy va jiddiy muloqotga majburlash imkoniyatiga ega ekanini ta’kidladi.

Yevropa Ittifoqi esa Vashington va Kiyev bilan hamkorlikda barqaror va uzoq muddatli tinchlikni ta’minlash uchun faol harakat qilmoqda. Uning so‘zlariga ko‘ra, Moskva faqat urushni davom ettira olmasligini anglagan paytdagina uni to‘xtatishi mumkin.

Bundan tashqari, Yevropa Ittifoqi Rossiyaga nisbatan bosimni kuchaytirish niyatida ekanini bildirdi. YEI Ukrainaga ko‘rsatilayotgan yordamni davom ettirish maqsadida yangi, 19-sanksiyalar paketini joriy etadi.

Kallasning bayonoti G‘arb davlatlarining umumiy pozitsiyasini yana bir bor tasdiqladi: tinchlikka erishish uchun faqat muzokaralar emas, balki bosim va qat’iy siyosiy choralar ham zarurdir. Hozircha Moskva o‘z siyosatini o‘zgartirishga tayyor emasligi ko‘rinmoqda.