Dorixona xodimlari arzon dorilarni yashirishda jarimaga tortiladi
1 sentabrdan boshlab dorixona xodimlari xaridorlarga mavjud bo‘lgan arzonroq muqobil dorilar haqida to‘liq ma’lumot bermasliklari natijasida katta miqdorda jarimaga tortilishi mumkin. Bu haqida Zamin.uz xabar berdi.
Bu haqda Moskva davlat yuridik universiteti dotsenti Aleksey Kubishkin ma’lum qildi. Yangi tartib Rossiya Sog‘liqni saqlash vazirligi tomonidan tasdiqlangan va 1 sentabrdan kuchga kiradigan “Tibbiyotda yaxshi dorixona amaliyoti qoidalari”ga kiritilgan o‘zgartirishlarga asoslanadi.
Amaldagi qonunchilik dorixona mutaxassislari va rahbarlarini arzonroq preparatlar mavjudligi haqida ma’lumotni yashirmaslikka majbur qilgan bo‘lsa-da, talablar aniq belgilanmagan edi. Endilikda esa bunday holatlarga yo‘l qo‘yilgan taqdirda sanksiyalar qo‘llanadi.
Qoidaga rioya qilmagan xodimlar 100 mingdan 200 ming rublgacha jarimaga tortilishi mumkin. Bu esa litsenziyani qo‘pol buzish sifatida baholanadi.
Bundan oldin farmatsevtlarga dori tanlashda noto‘g‘ri yondashuv uchun javobgarlik joriy etish taklif qilingan edi. Tadqiqotlar shuni ko‘rsatadiki, dorixona xodimlarining 60 foiz holatda marketing kelishuvi mavjud bo‘lgan preparatlarni xaridorlarga tavsiya qilish holatlari uchraydi.
Bu yangi tartib dorixona xodimlarini xaridorlarga dori tanlashda oshkoralik va halollikni ta’minlashga undaydi.
