Tramp Rossiyaga iqtisodiy urush boshlashga tayyor
AQSH prezidenti Donald Tramp Rossiya va Ukraina o‘rtasidagi mojaro hal etilmasa, Moskvaga nisbatan iqtisodiy urush boshlashga tayyorligini bildirdi. Bu haqida Zamin.uz xabar berdi.
Oq uyda o‘tkazilgan yig‘ilishda u jurnalistlarning savollariga javob berar ekan, Uchinchi jahon urushining oldini olishga harakat qilayotganini ta’kidladi. Trampning so‘zlariga ko‘ra, u bu mojaroning global urushga aylanmasligi uchun harakat qilmoqda.
Biroq, agar vaziyat o‘zgarmasa, iqtisodiy urush yuzaga kelishi mumkin. Bu jarayon Rossiya uchun jiddiy salbiy oqibatlarga olib keladi.
Prezident bunday holat yuz bermasligini istashini va mojaroning tinch yo‘l bilan hal etilishiga intilishini bildirdi. Uning fikricha, har qanday harbiy to‘qnashuvdan ko‘ra iqtisodiy bosim samaraliroq yechim bo‘lishi mumkin.
Shu sababli, u vaziyatni diqqat bilan kuzatib boradi va zarurat tug‘ilganda qat’iy chora ko‘rishga tayyorligini aytdi.
