Trampdan sirli “Q+” belgili fotosurat e’lon qilindi
AQSH prezidenti Donald Tramp o‘zining Truth Social platformasida noodatiy fotosuratni e’lon qildi. Bu haqida Zamin.uz xabar berdi.
Suratda Oq uy rahbari Yer shari manzarasi fonida tasvirlangan bo‘lib, uning chap qo‘li ustida “Q+” belgisi aks etgan. Surat ustida “Dunyo tez orada anglaydi.
Kelayotgan jarayonni hech narsa to‘xtata olmaydi” degan yozuv ham mavjud. Biroq Tramp ushbu postning asl maqsadini ochiqlamadi.
Tahlilchilarning fikricha, fotosuratdagi iboralar va “Q+” belgisi Qanon harakatining shiorlariga o‘xshashdir. Bu konspirologik g‘oya tarafdorlari dunyoni Demokratik partiyaning siyosiy elita nazorat qilayotganini, ular orasida esa iblisga sig‘inadigan va pedofiliya bilan shug‘ullanuvchi shaxslar borligini ta’kidlaydi.
Ularning nazarida Tramp AQSH harbiy rahbariyati taklifi bilan aynan shu tuzilmaga qarshi kurashayotgan shaxs sifatida ko‘riladi. Qiziqarli jihati shundaki, bu post Trampning vafoti haqida tarqalgan xabarlar ortidan, Shanxay hamkorlik tashkiloti sammitining birinchi kunida e’lon qilindi.
Shu sababli siyosiy doiralarda va ommaviy axborot vositalarida katta qiziqish uyg‘otdi. Mutaxassislar esa Trampning ushbu sirli postini siyosiy signal sifatida talqin qilish mumkinligini aytmoqda.
Biroq uning aniq ma’nosi va e’lon qilish maqsadi hozircha noma’lumligicha qolmoqda.
