Argentina prezidentining singlisi korrupsiya ayblanmoqda

Argentina prezidenti singlisi, Prezident ma’muriyati bosh kotibi Karina Miley dori-darmonlar xaridida korrupsiya sxemalarida ishtirok etganlikda ayblanmoqda. Bu haqida Zamin.uz xabar berdi.

Bu haqda CNN telekanali ma’lumot berdi. Telekanalning Carnaval striming-kanalida Karina Miley va yuqori martabali amaldorlar o‘rtasidagi suhbatlarni o‘z ichiga olgan audioyozuvlar e’lon qilindi.

Ushbu yozuvlarda to‘g‘ridan to‘g‘ri dalillar bo‘lmasa-da, Argentina Nogironlar milliy agentligi uchun dori narxining oshirilishi bilan bog‘liq holatlar ko‘rsatib o‘tilgan. Suhbatlarning bir qismi prezident saroyi ichida yozib olingani ma’lum.

Prezident matbuot kotibi Manuel Adorni Xaver Miley ma’muriyati tomonidan Federal sudga shikoyat berilganini bildirdi. Ular audioyozuvlarning noqonuniy tarzda, yashirincha yozilganini va saylov kampaniyasi davrida mamlakat barqarorligiga zarar yetkazishga qaratilganligini ta’kidlashmoqda.

Argentina federal sudyasi esa Karina Mileyning singlisiga tegishli audioyozuvlarni nashr etishni taqiqlash to‘g‘risida qaror qabul qildi.