Buyuk Britaniya Kiyevga Rossiya aktivlari evaziga yordam berdi
Buyuk Britaniya mudofaa vaziri Jon Xili Kiyevga tashrifi chog‘ida muzlatilgan Rossiya aktivlaridan foydalanib, Ukrainaga harbiy yordam ko‘rsatilishini ma’lum qildi. Bu haqida Zamin.uz xabar berdi.
3 sentyabr kuni u Rossiya Federatsiyasidan olib qo‘yilgan mablag‘lar 1 milliard funt sterlingdan ortiq miqdorda qurol-yaroq va boshqa harbiy vositalar xarid qilishga sarflanganini ta’kidladi. Ushbu mablag‘lar evaziga Ukrainaga yuz minglab artilleriya o‘q-dorilari, yuzlab zenit-raketa tizimlari hamda ehtiyot qismlar taqdim etildi.
Bundan tashqari, harbiy texnika va transport vositalariga texnik xizmat ko‘rsatish hamda ta’mirlash bo‘yicha yangi shartnomalar tuzish imkoniyati yaratildi. So‘nggi 50 kun ichida Ukraina Buyuk Britaniyadan 4,7 million o‘q-dorilar, 60 ming artilleriya oqlari, raketalar va raketa tizimlari, 2,5 mingdan ortiq dronlar, 200 dan ortiq elektron urush vositalari, 100 ta yengil qurol, 30 ta maxsus texnika va havo mudofaasi uchun qo‘shimcha jihozlar olgani qayd etildi.
Bu yordam Ukrainaning mudofaa salohiyatini mustahkamlashga katta hissa qo‘shmoqda. Buyuk Britaniya hukumati ushbu ko‘makni davom ettirish niyatida ekanligini bildirgan.
