Isroil armiyasi 2023-yil 7-oktyabrdan boshlab G‘azoga qarshi uyushtirgan harbiy harakatlari natijasida ishg‘ol ostidagi G‘arbiy Sohilda taxminan 19 ming falastinlikni hibsga olgani ma’lum qilindi. Bu haqida Zamin.uz xabar berdi.
Bu raqamga G‘azoda yashovchi aholi kirmaydi. So‘nggi 24 soat ichida Isroilning G‘azoga qilgan yangi hujumlari oqibatida 69 falastinlik halok bo‘lgan.
Hisobotda aytilishicha, hibsga olinganlar orasida 585 nafari ayollar, 1 550 nafardan ortiq bolalar borligi qayd etilgan. 2023-yilning 7-oktyabrdan buyon Isroil qamoqxonalarida 77 nafar falastinlik halok bo‘lgan, shulardan 46 nafari G‘azodan.
Bundan tashqari, qamoqxonalarda halok bo‘lgan, ammo shaxsi oshkor etilmagan yana o‘nlab g‘azoliklar mavjudligi haqida ma’lumotlar bor. Sentyabr oyining boshida Isroil qamoqxonalarida taxminan 11 100 falastinlik mahbus bo‘lgan.
Ularning 49 nafari ayollar, 400 nafari esa bolalar. Shuningdek, 3 577 nafar falastinlik ma’muriy hibsga olingani ma’lum qilingan.
Ushbu ma’lumotlar mintaqadagi vaziyatning murakkabligini va inson huquqlari sohasida yuzaga kelayotgan muammolarni ko‘rsatadi.
