Tataristonda uch nafar o‘zbek halok bo‘ldi
5-sentyabr kuni Tataristonning Zayinsk tumanida yirik yo‘l-transport hodisasi yuz berdi. Bu haqida Zamin.uz xabar berdi.
Ushbu hodisa natijasida uch nafar O‘zbekiston fuqarosi halok bo‘ldi. Tatariston prokuraturasi ma’lumotiga ko‘ra, avariya Naberejniy Chelni–Olmetevsk yo‘lining 38-kilometrida ro‘y berdi.
Nexia rusumli yengil avtomobil noma’lum sabablarga ko‘ra qarama-qarshi yo‘lga chiqib, MAN yuk mashinasi bilan to‘qnashgan. To‘qnashuv kuchli bo‘lib, yengil avtomobil deformasiyaga uchragan va temir massasiga aylangan.
Avtomobil haydovchisi hamda ikki yo‘lovchi olayotgan jarohatlari sabab voqea joyida halok bo‘lgan. Hozirda hodisa yuzasidan tergov ishlari davom etmoqda va prokuratura jarayonni nazoratga olgan.
O‘zbekistonning Qozon shahridagi konsulligi uch nafar vatandoshimizning voqea joyida vafot etganini tasdiqladi. Bosh konsullik hodisani diqqat bilan kuzatib bormoqda va zarur rasmiy jarayonlar yakunlangach, jasadlarni Migratsiya agentligi hisobidan O‘zbekistonga yuborishni rejalashtirmoqda.
Halok bo‘lganlar 35, 33 va 30 yoshdagi yosh yigitlar bo‘lib, ularning barchasi Namangan viloyatida istiqomat qilgan. Ushbu fojiali hodisa oilalar va yaqinlariga chuqur ta’sir ko‘rsatdi.
Hodisa sabablari va tafsilotlari bo‘yicha tergov ishlari davom etmoqda. Ommaviy axborot vositalari va rasmiy idoralar voqea haqida muntazam ma’lumot berib boradi.
