AQSh poytaxti Vashingtonda minglab fuqarolar Prezident Donald Trampning Milliy gvardiya askarlarini shahar ko‘chalariga joylashtirish qaroriga qarshi norozilik bildirdi. Bu haqida Zamin.uz xabar berdi.
Namoyishchilar qo‘shinlarni “bosqinchilar” deb atab, “Tramp iste’fo berishi kerak” degan shiorlar bilan yurish o‘tkazdi. Tramp o‘tgan oy jinoyatchilikni kamaytirish maqsadida poytaxtda qo‘shinlarni joylashtirishni buyurgan edi.
Shuningdek, u mahalliy politsiyani federal nazorat ostiga o‘tkazdi va migratsiya xizmatlarini ham jalb qildi. Biroq rasmiy ma’lumotlarga ko‘ra, shahar jinoyat darajasi oxirgi 30 yil ichida eng past ko‘rsatkichga tushgan.
Vashington bosh prokurori Tramp qarorini konstitutsiyaga zid deb hisoblab, sudga murojaat qildi. Shunga qaramay, ayrim fuqarolar qo‘shinlarning xavfsizlikni ta’minlash uchun zarur ekanligini ta’kidladi.
Shahar meri federal kuchlarning yordam berishini tan oldi, ammo Milliy gvardiya askorlarining yaqin vaqt ichida chiqib ketishiga umid bildirdi. Hozirda poytaxt ko‘chalarida minglab askarlar patrul qilmoqda va ularning vazifasi noyabr oyining oxirigacha davom etishi mumkin.
Bu holat shahar aholisi orasida turlicha fikr va munozaralarga sabab bo‘lmoqda.
