Moskva Patriarx ko‘lida oqqush kiyimida namoyish qilindi
Moskvaning Patriarx ko‘lida noodatiy voqea yuz berdi. Bu haqida Zamin.uz xabar berdi.
Oqqush kiyimidagi erkak SUP taxtasida suzayotib, politsiya tomonidan hibsga olindi. Bu haqda “Podyom” nashri xabar berdi.
Aksiya ishtirokchisi niqob, qanotli oqqush kostyumi va “Oqqushlar uchun hovuz, odamlar uchun emas” yozuvi tushirilgan futbolka kiygan holda chiqish qildi. Namoyish davomida u muvozanatini yo‘qotib, suvga qulab tushdi.
Qirg‘oqda politsiya uni kutib olib, mayda bezorilik bo‘yicha protokol tuzdi va bir kechaga bo‘limda qoldirdi. Endi unga 1000 rublgacha jarima yoki 15 kungacha qamoq jazosi qo‘llanishi mumkin.
Sud jarayoni 8 sentabr kuni bo‘lib o‘tadi. Aksiyaning tashabbuskori sifatida SUP taxtalari ishlab chiqaruvchi PointBreak kompaniyasi o‘zini tanishtirdi.
Kompaniya vakili suv qushlarini himoya qilish maqsadida bunday chiqish uyushtirilganini bildirdi. Unga ko‘ra, Patriarx ko‘lida oqqushlarning erkinligi cheklanmoqda va ular doimiy ravishda sayr qilayotgan odamlar tomonidan bezovta qilinmoqda.
Shu sababli, ushbu aksiya oqqushlar huquqini qo‘llab-quvvatlash ramzi sifatida tashkil etildi.
