Fransiyada Bayru hukumati ishonchsizlik bilan rad etildi
Fransiya Milliy Assambleyasi bosh vazir Fransua Bayru boshchiligidagi hukumatga ishonchsizlik bildirdi va uni 364 ovoz bilan rad etdi. Bu haqida Zamin.uz xabar berdi.
Natijada Bayru iste’fo arizasini Prezident Emmanuel Makronga taqdim etishga majbur bo‘ldi. Prezident Makron endi yangi bosh vazir tayinlashi yoki parlamentni tarqatib, yangi saylov o‘tkazishi mumkin.
Ayrim siyosiy partiyalar esa prezidentning o‘zini ham iste’foga chaqirishni talab qilmoqda. Bayru hukumatining asosiy taklifi mamlakat qarzini kamaytirish maqsadida pensiya va ijtimoiy to‘lovlarni vaqtincha to‘xtatishni o‘z ichiga olgan edi.
Biroq, bu taklif chap va o‘ng qanotdagi partiyalar tomonidan rad etilib, hukumatga ishonchsizlik bildirildi. Mutaxassislar Fransiya oldida katta moliyaviy qiyinchiliklar turganini ta’kidlamoqda.
Shu bilan birga, aholining asosiy muammolari sifatida turmush qimmatligi, xavfsizlik va immigratsiya masalalari qolmoqda. Ushbu vaziyat mamlakat siyosiy va ijtimoiy barqarorligiga salbiy ta’sir ko‘rsatishi mumkin.
