Fransiyada pishloq sayyohlarni jalb qilmoqda

Fransiyada pishloq nafaqat milliy taom sifatida, balki sayyohlarni jalb etuvchi asosiy yo‘nalishlardan biriga aylanmokda. Bu haqida Zamin.uz xabar berdi.

Parij shahrida yangi pishloq muzeyi tashkil etildi. Shuningdek, Yura tog‘larida joylashgan qadimiy omborlar va Korsika orolidagi chorvadorlar sayyohlarga pishloq orqali mintaqaning hayoti va tarixini tanishtirmoqda.

Muzeylarda va sayohat marshrutlarida mehmonlarga pishloq tayyorlash jarayoni hamda turli hududlarning ta’mga ta’siri haqida batafsil ma’lumot beriladi. Mutaxassislarning fikricha, oziq-ovqatga asoslangan sayohatlar bozori yaqin o‘n yillikda sezilarli darajada kengayishi kutilmoqda.

Masalan, Yura mintaqasidagi markazda bir dona Comté pishlog‘i uchun taxminan 400 litr sut kerakligi tushuntiriladi. Sayyohlar endilikda faqat pishloqni tatib ko‘rish bilan cheklanmay, uning tarixi, ishlab chiqaruvchilarning mehnati va mintaqaning madaniy merosini ham o‘rganishga qiziqish bildirmoqda.

Shu sababli, pishloq Fransiyaning gastronomik sayohatlari sohasida muhim o‘rin egallamoqda.