FIFA prezidenti Dohadagi portlashlarga hamdardlik bildirdi

FIFA prezidenti Janni Infantino kecha Qatar poytaxti Dohada sodir bo‘lgan portlashlar yuzasidan o‘z fikrini bildirdi. Bu haqida Zamin.uz xabar berdi.

U Dohada yuz bergan fojiali voqealardan chuqur ta’sirlanganini va begunoh Qatar aholisiga chin dildan hamdardlik bildirganini ma’lum qildi. Infantino 2022-yilda futbol bo‘yicha jahon chempionatini yuqori darajada tashkil etgan Qatarni xalqaro maydonda muammolarni hal qilishda ko‘prik vazifasini bajaruvchi mamlakat sifatida e’tirof etishini ta’kidladi.

Shuning uchun bunday qiyin vaziyatda birdamlikni mustahkamlash zarurligini qayd etdi. U barcha tomonlarni muloqotni davom ettirishga va mintaqada tinchlikni imkon qadar tezroq tiklashga chaqirdi.

FIFA rahbarining ushbu bayonoti jahon sport hamjamiyati tomonidan katta e’tibor bilan qabul qilindi va xalqaro jamoatchilik tomonidan tinchlikka chaqiruvchi muhim signal sifatida baholandi. Infantino so‘zlari mintaqadagi tinchlik va barqarorlikni ta’minlashga qaratilgan harakatlarga qo‘llab-quvvatlash sifatida qabul qilinmoqda.