Qozog‘istonda bolalar o‘rtasida o‘yinchoq janjali tugadi
Qozog‘iston Respublikasining Atirov shahrida uch yoshli qizcha haqida politsiya organlariga ariza kelib tushdi. Bu haqida Zamin.uz xabar berdi.
Murojaatga ko‘ra, uch va besh yoshli qizaloqlar o‘rtasida qahvaxonada o‘yinchoq – changyutgichni bo‘lishishda kelishmovchilik yuzaga kelgan. Bu sababdan bolalar orasida kichik janjal va munozara bo‘lgan.
Tez orada ikki qizcha yarashib olgan, ammo ulardan birining onasi bu holatga norozi bo‘lib, politsiyaga rasmiy ariza bilan murojaat qilgan. U bola omma oldida kechirim so‘rishi kerakligini talab qilgan.
Shahar politsiyasi arizani ko‘rib chiqib, uch yoshga to‘lmagan bola ustidan rasmiy ariza qabul qilinmasligini ma’lum qildi. Shu sababli murojaat bekor qilindi.
Bolalarning ota-onalari bilan profilaktik suhbat o‘tkazilib, ularga bola tarbiyasi va xavfsizlik qoidalari haqida zarur tavsiyalar berildi. Bu holat ota-onalar uchun tarbiyaviy ahamiyatga ega bo‘lib, oilalarda tinchlik va o‘zaro hurmatni saqlash muhimligi yana bir bor ta’kidlandi.
