Istanbul hokimi va 47 kishi korrupsiyada hibsga olindi

Turkiya prokuraturasi Istanbulning Bayrampasha tumani hokimi Hasan Mutlu hamda yana 47 nafar shaxsni hibsga olishga qaror qildi. Bu haqida Zamin.uz xabar berdi.

Ularga korrupsiya, pora olish va davlat qoidalarini buzish ayblovlari qo‘yilgan. Politsiya ertalab soat 72 ta manzilda reyd o‘tkazib, tegishli hujjatlarni musodara qilgan va gumonlanuvchilarni ushlagan.

Ushbu reyd keng ko‘lamda bo‘lib o‘tgani ma’lum qilindi. Hokim Hasan Mutlu esa o‘ziga qo‘yilgan ayblovlarni rad etdi va tergovni siyosiy maqsaddagi operatsiya sifatida baholadi.

U muxolifatdagi Respublika Xalq Partiyasi a’zosi hisoblanadi. So‘nggi bir yil ichida CHP va uning boshqaruvidagi hududlardagi hokimliklarga nisbatan bosim kuchaygan.

Yuzlab partiya a’zolari hibsga olingan, shuningdek, yaqin kunlarda CHP rahbari bo‘yicha sud qarorining e’lon qilinishi kutilmoqda. Bu voqealar mamlakat siyosiy muhitida keskinlikni oshirmoqda.