Tramp Avstraliya jurnalistiga savolga norozilik bildirdi

AQSh prezidenti Donald Tramp Avstraliya telekanali ABC jurnalisti Jon Lyons bilan bo‘lib o‘tgan savol-javob jarayonida bahsga kirishdi. Bu haqda Zamin.uz xabar berdi.

Jurnalist Trampdan prezidentlikdan keyin boyligi qanchaga oshgani haqida so‘radi. Tramp ushbu savolni Avstraliyaga zarar yetkazishga urinish sifatida baholab, norozilik bildirdi.

Prezident farzandlari biznesni boshqarishini ta’kidlab, savoldan qochishga harakat qildi. Shuningdek, u Avstraliya bosh vaziri Entoni Albanese bilan yaqin orada uchrashishini eslatib, “Men unga siz haqingizda gapiraman” dedi.

Keyingi savolga javoban esa jurnalistni jim bo‘lishga chaqirdi. So‘nggi paytlarda AQSh va Avstraliya o‘rtasidagi munosabatlar sovuqlashgan.

AQSh Avstraliya eksportlariga qo‘shimcha boj joriy etdi. Albanese buni do‘stona munosabatlarga zid deb atadi.

Jon Lyons Trampning munosabatini asossiz deb baholab, o‘z savollarini odatiy va xolis deb ta’rifladi. ABC telekanali esa savollar prezidentning biznes faoliyatini tekshiruvchi dastur doirasida berilganini ma’lum qildi.

Ushbu voqea ikki mamlakat o‘rtasidagi munosabatlardagi murakkablikni ko‘rsatmoqda.