Xitoy hayvonot bog‘i shimpanzega video ko‘rsatishni taqiqladi
Xitoyning yirik hayvonot bog‘laridan biri yangi qaror qabul qildi. Bu haqda Zamin.uz xabar berdi.
Endilikda tashrif buyuruvchilar shimpanzega mobil telefonlar orqali TikTok yoki boshqa videolarni ko‘rsatishi taqiqlanadi. Bu haqda South China Morning Post nashri xabar berdi.
Ma’lumotlarga ko‘ra, bog‘da yashovchi Din-din ismli shimpanze ilgari tashrif buyuruvchilarning mobil telefonlaridan turli videolarni tomosha qilib kelgan. Ammo ma’muriyat hayvonning ko‘z sog‘lig‘ini saqlash maqsadida uning ekranga ko‘p qarashdan himoya qilinishi kerakligini ta’kidladi.
Mutaxassislar fikricha, shimpanze insonga o‘xshab ekranga uzoq qarasa, ko‘z sog‘lig‘iga zarar yetishi mumkin. Shu sababli hayvonot bog‘i ma’muriyati maxsus taqiq o‘rnatib, tashrif buyuruvchilardan shimpanzega video ko‘rsatmaslikni so‘ramoqda.
Qarorda jazolar belgilangan emas, ya’ni kimdir videoni ko‘rsatsa, rasmiy ravishda jarima yoki boshqa jazo qo‘llanilmaydi. Biroq bog‘ xodimlari Din-dinning sog‘lig‘i birinchi o‘rinda ekanligini doimiy ravishda eslatib, tashrif buyuruvchilarni ogohlantirmoqda.
