Rossiyada 2025 yilning dastlabki sakkiz oyida kitob do‘konlaridagi savdo hajmi 6 dan 18 foizgacha kamayganligi ma’lum bo‘ldi. Bu haqda Zamin.uz xabar berdi.
Bu holatning asosiy sababi sifatida kitob bozorining taxminan 65 foizini tashkil etuvchi onlayn savdoning tez sur’atda o‘sishi ko‘rsatilmoqda. Shu bilan birga, kitob do‘konlari tarmog‘ining umumiy aylanmasi 1,1 foizga oshgani qayd etildi.
Bu narxlarning sezilarli darajada qimmatlashi bilan izohlanadi. Hozirda do‘konlarda kitoblarning o‘rtacha narxi 546 rublni tashkil etmoqda, bu esa o‘tgan yilga nisbatan 12,3 foizga yuqori.
Nashriyotlar bunday narx o‘sishini qog‘oz, bosma mahsulotlar va logistika xarajatlarining oshishi bilan bog‘lamoqda. Shuningdek, kitob do‘konlariga tashrif buyuruvchilar soni kamaygan.
O‘rtacha oqim 6,6 foizga pasaygan bo‘lsa, ayrim hududlarda bu ko‘rsatkich 20 foizgacha tushgan. Mamlakat bo‘ylab bir yil ichida 200 dan ortiq do‘kon yopilishi bozordagi qiyinchiliklarni yanada kuchaytirdi.
Biroq, raqamli kitoblar bozori o‘sishda davom etmoqda. Elektron kitoblar ko‘plab o‘quvchilar uchun qulay va amaliy tanlov sifatida tobora ommalashib bormoqda.
Bu tendensiya kitob savdosining yangi shakllarini rivojlantirishga imkon yaratmoqda.
