Texas va Kaliforniya toza energiyada yetakchi bo‘ldi
AQShning Texas va Kaliforniya shtatlari toza energiya ishlab chiqarishda yetakchi o‘rinni egallamoqda. Bu haqda Zamin.uz xabar berdi.
2025-yil boshidan beri ushbu hududlarda energiya ishlab chiqarish o‘tgan yilga nisbatan o‘rtacha 10 foizga oshdi. Kaliforniyada elektr energiyasining taxminan 74 foizi, Texasda esa 46 foizi quyosh va shamol kabi qayta tiklanadigan manbalardan olinmoqda.
Bu ko‘rsatkichlar boshqa shtatlarga nisbatan ancha yuqori hisoblanadi. Jami ikki shtat 10 million megavatt-soatdan ortiq toza energiya ishlab chiqardi, bu esa AQShdagi umumiy energiya ishlab chiqarish hajmining beshdan bir qismini tashkil etadi.
Mutaxassislarning ta’kidlashicha, Texas va Kaliforniya yangi texnologiyalarni joriy etishda ham yetakchilik qilmoqda. Shu bilan birga, boshqa shtatlar ushbu jarayonda ortda qolish xavfi bilan yuzma-yuz kelmoqda.
Toza energiya sohasidagi ushbu rivojlanish mamlakatning ekologik barqarorligini ta’minlashda muhim ahamiyatga ega hisoblanadi.
