Jahondagi eng nufuzli 50 yahudiy ro‘yxati e’lon qilindi
The Jerusalem Post an’anaviy ravishda “Jahondagi eng nufuzli 50 yahudiy” ro‘yxatini e’lon qildi. Bu haqda Zamin.uz xabar berdi.
Ushbu ro‘yxatga siyosat, biznes va madaniyat sohalaridan taniqli shaxslar kiritilgan. Eng kutilmagan nomlardan biri sifatida Rossiya bosh vaziri Mixail Mishustin ham joy oldi.
Yangilangan reytingda birinchi o‘rinni Isroil bosh vaziri Binyamin Netanyahu egalladi. Ikkinchi o‘rinda AQSH prezidentining maxsus vakili Stiven Uitkoff, uchinchi o‘rinda esa Isroil maxsus xizmati “Mossad” rahbari David Barnea turadi.
Kuchli o‘nlikka Oq uy maslahatchilari Stiven Miller va Adam Boeler, AQSH savdo vaziri Hovard Latnik hamda Google hammuassisi Sergey Brin kirdi. Mixail Mishustin ilk bor ushbu reytingga kiritilib, 18-o‘rinni band etdi.
Shuningdek, Sem Altman va Mark Sukerberg 33-o‘rinni egalladi. Ukraina prezidenti Vladimir Zelenskiy esa bu safar ro‘yxatda yo‘q.
Mutaxassislarning ta’kidlashicha, bugungi global jarayonlar ham mazkur reytingda o‘z aksini topgan.
