Lamin Yamal va Nikki Nikol Xorvatiyada sayr qildi

Barselonaning yosh futbolchisi Lamin Yamal jarohatdan so‘ng tiklanish jarayonida vaqtini samarali o‘tkazmoqda. Bu haqda Zamin.uz xabar berdi.

Hozirda u 25 yoshli argentinalik qo‘shiqchi Nikki Nikol bilan birga bo‘lib, ular bir necha romantik damlarni birga o‘tkazmoqda. Ispaniya ommaviy axborot vositalarining xabar berishicha, juftlik Xorvatiya orollari ustidan vertolyotda uchib sayr qilgan.

Lamin Yamal ushbu lahzalarning videotasvirlarini ijtimoiy tarmoqlardagi sahifasida ham ulashgan. Video davomida futbolchi hazil tariqasida Nikki parvoz paytida biroz bosh aylanganini aytgan.

Muxlislar bu holatni samimiy va romantik deb baholashmoqda. Hozirda Lamin Yamal jarohatidan to‘liq sog‘ayish uchun individual mashg‘ulotlarni olib bormoqda va tez orada Barselona jamoasi safida maydonga qaytishi kutilmoqda.

Oldinroq u Instagramda Nikki Nikol bilan tushgan suratini joylab, uning tug‘ilgan kunini tabriklagan va shu orqali o‘zlarining ishqiy munosabatlarini ommaga ma’lum qilgan edi. Muxlislar bu juftlikni futbol va musiqaning yangi romantik jufti deb atashmoqda.

Lamin Yamal esa nafaqat sportdagi, balki shaxsiy hayotidagi yorqin lahzalarni ham boshdan kechirmoqda.