Netanyaxu Trampga G‘azo tinchligi uchun sovg‘a berdi
Isroil bosh vaziri Benyamin Netanyaxu AQSh prezidenti Donald Trampga G‘azo mojarosini hal etishga qaratilgan sa’y-harakatlari uchun minnatdorchilik bildirish maqsadida oltin kaptar shaklida haykalcha sovg‘a qildi. Bu haqda Zamin.uz xabar berdi.
Bu haqda xorijiy ommaviy axborot vositalari xabar bermoqda. Sovg‘a Trampning Isroilga qilgan rasmiy tashrifi davomida topshirildi.
U parlament binosi – Knessetga tashrif buyurdi va yaqin orada G‘azo masalasi bo‘yicha nutq so‘zlashi kutilmoqda. Donald Tramp mehmonlar kitobiga quyidagilarni yozib qoldirdi: “Bu men uchun katta sharaf.
Ajoyib va go‘zal kun, yangi boshlanish.” Ushbu voqea ikki davlat o‘rtasidagi diplomatik munosabatlarning mustahkamlanishiga xizmat qiladi va mintaqada tinchlik o‘rnatishga qaratilgan harakatlarning muhimligini ta’kidlaydi.
