South China Morning Post nashrining xabariga ko‘ra, dushanba kuni ertalab Dubaydan kelayotgan Boeing 777 rusumli yuk samolyoti qo‘nish vaqtida yo‘ldan chiqib ketib, dengiz sohilida to‘xtab turgan xizmat avtomashinasiga urildi va suvga tushib ketdi. Bu haqda Zamin.uz xabar berdi.
Hodisa natijasida avtomobilda bo‘lgan ikki kishidan biri voqea joyida halok bo‘ldi, ikkinchisi esa og‘ir ahvolda shifoxonaga yotqizildi. Samolyot ekipaji esa sog‘-salomat bo‘lib, ularga hech qanday jarohat yetmagan.
Hozirda Gonkong aeroportining shimoliy qo‘nish yo‘lagi vaqtinchalik yopilgan va mutasaddi tashkilotlar hodisaning sabablarini aniqlash bo‘yicha surishtiruv ishlarini boshlagan. Ushbu voqea aviatsiya xavfsizligiga alohida e’tibor berish zarurligini yana bir bor ko‘rsatdi.
Tekshiruv yakunlari jamoatchilikka e’lon qilinishi kutilmoqda.
