Bryusselda Xitoy uchun josuslikda gumonlanmoqda

Yevropa maxsus xizmatlari Politico nashrining Bryusseldagi sobiq muxbiriga nisbatan Xitoy manfaatlari uchun josuslikda gumonlanib tergov olib bormoqda. Bu haqda Zamin.uz xabar berdi.

Report Yevropa byurosining G‘arb ommaviy axborot vositalariga tayanib bergan xabariga ko‘ra, tergov hozircha dastlabki bosqichda bo‘lib, ish bo‘yicha ma’lumotlar juda kam. Jurnalistning ish joyidan ketishi josuslikda gumonlanib surishtiruv boshlanganligi bilan bog‘liqmi yoki yo‘qmi, hozircha aniq emas.

Bryusseldagi Euractiv nashri jurnalistning shaxsini bilishini, biroq u izoh berishdan bosh tortganini ma’lum qilgan. Politico nashri esa hozirga qadar bu holat yuzasidan izoh bermagan.

Ma’lumotlarga ko‘ra, kontrrazvedka xodimlari jurnalist xalqaro tashkilotlar va turli doiralarga kirish imkoniyatlaridan foydalangan holda, odam yollash uchun potensial nishonlarni aniqlagan deb gumon qilmoqda. Shuningdek, u ayrim muassasa xodimlari bilan shaxsiy munosabat o‘rnatishga, jumladan, jinsiy aloqa orqali ma’lumot olishga harakat qilgan bo‘lishi mumkinligi aytilmoqda.

Tergov jarayoni davom etmoqda va qo‘shimcha ma’lumotlar tez orada e’lon qilinishi kutilmoqda.