Balikesirda 6,1 ballik zilzila yuz berdi, jarohatlar bor

Turkiyaning g‘arbiy qismida joylashgan Balikesir viloyatida 6,1 ball kuchida zilzila yuz berdi. Bu haqda Zamin.uz xabar berdi.

Bu haqda Turkiya ichki ishlar vaziri Ali Yerlikaya ma’lumot berdi. Zilzila natijasida 26 kishi jarohat oldi.

Jarohatlanganlarning barchasiga shifoxonada tibbiy yordam ko‘rsatilib, keyin uylariga javob berildi. Qurbonlar haqida ma’lumot yo‘q.

Hodisadan so‘ng 12 marta 4 ball va undan yuqori kuchdagi aftershoklar qayd etildi. Turkiyaning tabiiy ofatlarni boshqarish boshqarmasi AFADning seysmologlari zilzilaning markazi Balikesirda bo‘lganini bildirdi.

Zilzila ta’siri nafaqat viloyat hududida, balki Istanbul, Izmir va Manisa viloyatlarida ham sezildi. Balikesirning Sindirgi tumanida uchta turar joy va bir do‘kon qulab tushdi.

Hozirda qutqaruvchilar zarar ko‘rgan binolarni tekshirmoqda, aholi vaqtinchalik xavfsiz hududlarga ko‘chirildi. Ichki ishlar vaziri Ali Yerlikayaning so‘zlariga ko‘ra, barcha davlat xizmatlari faoliyat ko‘rsatmoqda.

Fuqarolarga hushyor bo‘lish, seysmik xavfsizlik qoidalariga rioya qilish bo‘yicha ogohlantirish berildi. Istanbul, Izmir va Manisa viloyatlari hokimiyatlari zilziladan keyingi zararlar yo‘qligini ma’lum qildi.

So‘nggi yillarda Turkiyada seysmik faollik ortib bormoqda. Mutaxassislar mamlakat hududidagi tektonik yo‘llarning faollashayotgani, tabiiy ofatlar xavfini oldindan baholash muhimligini ta’kidlamoqda.

Bu esa aholining xavfsizligini ta’minlash va zararlarni kamaytirishda muhim ahamiyatga ega.