Tramp nomi bilan stadion qurilishi muhokamada

AQSh sobiq prezidenti Donald Tramp o‘z nomi bilan ataladigan stadion qurilishini xohlayotgani haqida xabar berildi. Bu haqda Zamin.uz xabar berdi.

Bu haqda ESPN nashri ma’lumot tarqatdi. Ma’lum qilinishicha, Milliy futbol ligasi (NFL) jamoasi - “Vashington Kommanders” uchun yangi stadion qurilishi rejalashtirilgan.

Ushbu loyiha qiymati 3,7 milliard dollarni tashkil etadi. Stadion 1961-1996 yillarda jamoa o‘z o‘yinlarini o‘tkazgan Robert Kennedi nomidagi stadion o‘rnida barpo etilmoqda.

Qurilish ishlari yakunlanib, inshootni 2030 yilda foydalanishga topshirish rejalashtirilgan. Manbalarga ko‘ra, klubning hammuassisi Josh Harris boshchiligidagi investorlar guruhi va Donald Tramp jamoasi o‘rtasida norasmiy muzokaralar o‘tkazilgan.

Ushbu muzokaralarda stadionga Tramp nomini berish masalasi muhokama qilingan. Oq uy vakillaridan biri bu prezidentning shaxsiy istagi ekanligini ta’kidlab, bu orzu amalga oshish ehtimoli yuqori ekanini qayd etdi.

Oq uy matbuot kotibi Kerolin Livitt esa Trampning yangi stadion qurilishiga katta hissa qo‘shganini ta’kidlab, stadionga uning nomini berishni o‘rinli deb hisoblashini bildirdi. Shu bilan birga, stadion nomiga rasmiy tasdiq berish huquqi tuman kengashi va federal yer agentligi ixtiyorida qolmoqda.

“Kommanders” jamoasi bu masalada mustaqil qaror qabul qila olmaydi.