Fransiyaning g‘arbiy qismida yashovchi 85 yoshli keksalikdagi erkak shifokor qabuliga borish uchun yo‘lga chiqqanida, kutilmaganda 1,5 ming kilometr uzoqlikdagi Xorvatiyagacha yetib borgan. Bu haqda Zamin.uz xabar berdi.
Bu haqda "Pravilamag" nashri xabar berdi. Shatiyon-syur-Tue qishlog‘ida yashovchi ushbu kishi aslida uyidan 19 kilometr uzoqlikda joylashgan Ervo shaharchasiga borishni rejalashtirgan edi.
Biroq uning avtomobilidagi navigatsiya tizimi — GPS noto‘g‘ri yo‘l ko‘rsatib, uni butun Yevropa bo‘ylab uzoq sayohat qilishga majbur qilgan. Qariya Fransiya va Italiya hududlari orqali harakatlanib, taxminan 20 soat davomida to‘xtovsiz yo‘l bosgan.
Xorvatiya hududiga yetib kelganida, u mehmonxonada to‘xtagan va aynan shu yerda topilgan. Keksaning oilasi uning yo‘qolganini bir necha kundan so‘ng anglab, politsiyaga murojaat qilgan.
Hukumat vakillari harbiy xizmatlar yordami bilan uning telefon geolokatsiyasi orqali joylashuvini aniqlashga muvaffaq bo‘lgan. E’tiborlisi, qariya sog‘lig‘i va xotirasi bilan bog‘liq hech qanday muammoga duch kelmagan.
U sodir bo‘lgan voqeaga o‘zi ham hayratda qolganini aytgan va faqat GPS ko‘rsatmalariga amal qilganini bildirgan. Hozirda uning oilasi Xorvatiyaga yetib borib, keksani uyiga olib ketmoqda.
