Kim Kardashyanning boyligi 1,9 milliard dollarga yetdi
Kim Kardashyanning boyligi uning Skims brendi uchun o‘tkazilgan investitsiya raundidan so‘ng 1,9 milliard dollarga yetgani haqida Forbes xabar berdi. Bu haqda Zamin.uz xabar berdi.
Nashrning ma’lumotiga ko‘ra, biznes ayolning moliyaviy kapitali aynan shu darajada baholangan. Skims brendi ichki kiyim va kiyim-kechak ishlab chiqarishga ixtisoslashgan bo‘lib, yaqinda 225 million dollar miqdorida qo‘shimcha investitsiya jalb qildi.
Ushbu kelishuv natijasida kompaniyaning umumiy qiymati 5 milliard dollarga yetdi. "Biz Skimsni yangi bosqichga olib chiqishni, sohada innovatsiyalarni davom ettirishni va yangi standartlar joriy etishni maqsad qilganmiz", — dedi Kim Kardashyan.
U brendning bosh ijodiy direktori sifatida faoliyat yuritmoqda. Kim Kardashyanning boyligi asosan Skims brendi bilan bog‘liq bo‘lsa-da, u o‘z biznes imperiyasini kengaytirishda davom etmoqda.
Yaqinda u terini parvarishlash mahsulotlarini ishlab chiqaruvchi SKKN By Kim liniyasidagi Coty kompaniyasi ulushini sotib oldi.
