Rossiyada qo‘poruvchilik uchun jazolar kuchaytirildi
Rossiya Prezidenti Vladimir Putin qo‘poruvchilikka qarshi javobgarlikni kuchaytiruvchi yangi qonunni imzoladi. Bu haqda Zamin.uz xabar berdi.
Bu haqda BBC xabar berdi. Mazkur qonunga ko‘ra, endilikda qo‘poruvchilik bilan bog‘liq jinoyatlar uchun javobgarlik 14 yoshdan boshlanadi.
Qonunda voyaga yetmaganlarni bunday jinoyatlarga undash yoki ularga jalb qilish uchun umrbod ozodlikdan mahrum etish jazosi belgilangan. Manbalarning ma’lumotiga ko‘ra, ushbu o‘zgarishlar qo‘poruvchilik bo‘yicha jazolarni Rossiyaning amaldagi terrorizmga oid qonunchiligiga tenglashtiradi.
Jumladan, shartli jazo belgilash imkoniyati bekor qilinadi, jazoni eng past ko‘rsatkichdan kam belgilash taqiqlanadi va mahkumlar o‘z jazolarining kamida 75 foizini o‘tamay turib shartli ravishda ozod qilinishi mumkin bo‘lmaydi. Yangi qonun Rossiyada qo‘poruvchilikka qarshi kurashni yanada kuchaytirish va bu turdagi jinoyatlarning oldini olishni ko‘zda tutadi.
