Xitoy yuqori daromadli davlatlarga ko‘proq kredit bermoqda
Amerikalik tadqiqotchilar Xitoyning so‘nggi yillarda past daromadli mamlakatlardan ko‘ra yuqori daromadli davlatlarga ko‘proq kredit ajratayotganini aniqladi. Bu haqda Zamin.uz xabar berdi.
Tadqiqotlarga ko‘ra, AQSH Xitoydan eng ko‘p qarz olgan davlatga aylangan. AidData laboratoriyasi tomonidan o‘tkazilgan tadqiqotda 2000–2023-yillar oralig‘ida Xitoy 200 ta mamlakatga jami 2,2 trillion dollar miqdorida kredit va grant ajratgani qayd etilgan.
Ushbu davrda past daromadli mamlakatlarga ajratilgan kredit ulushi 88 foizdan 12 foizgacha tushgan bo‘lsa, o‘rta va yuqori daromadli davlatlarga ajratilgan mablag‘ ulushi 24 foizdan 76 foizgacha oshgan. Masalan, Buyuk Britaniya Xitoydan 60 milliard dollar, Yevropa Ittifoqi esa 161 milliard dollar kredit olgan.
Mutaxassislarning fikriga ko‘ra, bu holat Xitoyning global moliyaviy ta’sirini yangi bosqichga olib chiqmoqda. Bu jarayon xalqaro iqtisodiy munosabatlarda Xitoyning roli tobora ortib borayotganini ko‘rsatadi.
