O‘zbekiston VTB orqali xalqaro pul o‘tkazmalarida yetakchi bo‘ldi

2025 yilning dastlabki 11 oyida O‘zbekiston xalqaro pul o‘tkazmalari bo‘yicha VTB banki mijozlari orasida eng ommabop yo‘nalishlardan biri bo‘ldi. Bu haqda Zamin.uz xabar berdi.

Bu haqda bankning katta vitse-prezidenti Aleksey Oxorzin «Rossiya chaqiradi!» investitsion forumida ma’lum qildi. Ushbu ma’lumotni «Kommersant» nashri xabar berdi.

Bank hisobotlariga ko‘ra, mazkur davrda chakana mijozlar tomonidan 9 milliondan ortiq xalqaro pul o‘tkazmalari amalga oshirilgan. Bu ko‘rsatkich o‘tgan yilga nisbatan besh barobar yuqori, operatsiyalar hajmi esa 5,5 barobar oshgan.

Pul o‘tkazmalari uchun eng talabgir yo‘nalishlar orasida Tojikiston, O‘zbekiston, Qirg‘iziston, Belarus va Qozog‘iston mavjud. O‘rtacha o‘tkazma miqdori 26 ming rublni (taxminan 3,9 million so‘m) tashkil etadi.

Mijozlar o‘rtacha oyiga uch marta xalqaro pul o‘tkazmalari amalga oshirgan. VTB banki 2026 yilga kelib xalqaro pul o‘tkazmalari hajmi yanada oshishini prognoz qilmoqda.

Bu xizmat turlarining kengayishi va yangi yo‘nalishlarning qo‘shilishi bilan bog‘liq bo‘lishi kutilmoqda. Bankning fikricha, o‘tkazmalar soni ikki barobar ko‘payishi mumkin.