Qozonliklar Yangi yilni O‘zbekistonda kutib olmoqchi
Qozon shahri aholisi Yangi yil ta’tillarini O‘zbekistonda o‘tkazishni rejalashtirmoqda. Bu haqda Zamin.uz xabar berdi.
Bu haqda "Kommersant" nashri "Aviasales" ma’lumotlariga tayanib xabar berdi. Ma’lum bo‘lishicha, O‘zbekistonga aviachiptalar bron qilish ulushi 21 foizni tashkil etgan.
Bu ko‘rsatkich bo‘yicha O‘zbekiston Tailand (19%), Turkiya (7%) va Xitoyni (4%) ortda qoldirgan. Umuman olganda, Qozon shahri aholisi orasida xorijga sayohat qilish bo‘yicha Yangi yil bronlari 41 foizni tashkil qilgan.
Shu bilan birga, Qozonliklarning xorijda Yangi yil tatillari davomiyligi o‘rtacha o‘n kunni tashkil etmoqda. Qolgan 59 foiz bronlar esa Rossiya ichidagi parvozlarga to‘g‘ri kelgan.
O‘zbekiston Milliy statistika qo‘mitasi ma’lumotlariga ko‘ra, 2025 yilning dastlabki o‘n oyi davomida O‘zbekistonga 852 ming nafar rossiyalik tashrif buyurgan. Bu ko‘rsatkich mamlakatimiz turizm sohasining xorijiy sayyohlar uchun jozibadorligini yanada oshirib borayotganini ko‘rsatmoqda.
