Netflix Warner Brosni sotib olishni rejalashtirmoqda
Netflix kompaniyasi Warner Brosni, jumladan kinostudiya, televideniye studiyasi, HBO va HBO Max platformalarini sotib olishni rejalashtirmoqda. Bu haqda Zamin.uz xabar berdi.
Bu haqda Netflix matbuot xizmati ma’lum qildi. Mazkur kelishuv qiymati 82,7 milliard dollar deb baholanmoqda.
Bitim Warner Bros Discovery (WBD) kompaniyasining qayta tashkil etilishi yakunlanganidan keyin, 2026 yilning uchinchi choragida to‘liq amalga oshirilishi kutilmoqda. Ushbu kelishuv natijasida dunyodagi eng yirik striming xizmati va eng mashhur kinostudiyalardan biri birlashadi.
Netflix kutubxonasi "Garri Potter", "Do‘stlar", "Taxtlar o‘yini", "Sopranolar oilasi", DC filmlari, "Shamolda qolganlar", "Kasablanka" kabi mashhur franshizalar va klassik filmlar bilan boyitiladi. Bu loyihalar Netflix’ning “Juda g‘alati ishlar”, “Qog‘oz uyi”, “Bridjertonlar” va “Kalmar o‘yini” kabi mashhur seriallarini yanada to‘ldiradi.
Warner Brosning an’anaviy kinoteatrlarda filmlar namoyish qilish jarayoni davom etadi. Shu bilan birga, Warner Bros loyihalari Netflix’ning global platformasiga kirish imkoniyatini qo‘lga kiritadi.
Bitim ikkala kompaniyaning direktorlar kengashi tomonidan allaqachon tasdiqlangan. Uni to‘liq yakunlash uchun WBD aksiyadorlari va tartibga soluvchilarning roziligi talab qilinadi.
Jarayonning to‘liq tugallanishi 12-18 oy ichida amalga oshishi kutilmoqda.
